Annemarie Dienesen

Annemarie Dienesen Abschied

Se is vun Anfang an dorbi, se hett de Speeldeel mit gründt un opbuut.

Ehrenlidmaat vun de Schleswiger Speeldeel.

Regie makt un speelt hett se in:

Wenn du Geld hest (1961)
Dat Schattenspeel (1962)
Allen´s verdreiht (1963)
Mit Em op du un du (1964)
Dat Eckgrundstück (1964)
Cowboys, Quittjes un Matrosen (1964)
...un baven wahnen Engel (1965)
Gastwirt Göbel (1965)
De swatte Hex (1965)
De Knecht vun Foldingbro (1966)
Petroleum ut Poppenbüttel (1966)
De 50. Geburtsdag (1966)
Füer (1967)
Tante Mine un Tante Tine (1967)
Düre Spinat (1967)
De Schelm vun Möhlbrook (1967)
Schohdrücken (1968)
Vogeljette (1968)
De Hexenhoff (1969)
Sööt un Suur (1969)
De Aukschonsschoster (1970)
De ehrbare Haifisch (1970)
De hillige Grootmudder (1971)
Frikadellen (1971)
Dat Schattenspeel (1971)
Een Miljonär in´t Huus (1972)
Smuggelbröder (1972)
Dat Rosenfest (1972)
Kruut gegen den Dood (1973)
Revolutschon gegen de Wiever (1973)
De verflixte Strümp (1973)
Küselwind (1974)
Mien Mann, de fohrt to See (1974)
Wer hett,de hett (1974)
Brand-Stiftung (1975)
De Kriegskamerad (1975)
De Strohmann (1976)
Meister Anecker (1978)
Mudder steiht ehrn Mann (1979)
Korl Gramlich regeert (1979)
Vogeljette (1980)
De hillige Grootmudder (1981)
Kramer Kray (1983)

Regie hett se makt bi:

Dat Horoskop (1968)
De Swienskomödie (1970)
Korl Gramlich regeert (1971)
Dat Spill üm een Schap...(1975)

Afscheed

An 27. August 2009 is de fröhere johrelange künstlerische Leiter, Ehren- un Grünnungsmitglied vun de Schleswiger Speeldeel ,

Annemarie Dienesen

in ehr 89. Levensjohr inslaapen.

Veele Minschen hebben ehr kennt und köönt sik wiss ok noch op ehr besinnen. Se weer för veele een heel besünnere plattdüütsche Theoterspeelerin, de öwer veele Johrn in ehr Heimatstadt Schleswig dat Theoterleewen op ehr eegen Ort prägt hett. Se weer de „Heidi Kabel vun Schleswig“. Mit Theoterspeelen hett se in de föfftiger Johrn anfungen, dormols heete de Bühne “Plattdeutsche Komödie Schleswig“, düsse Bühne wöör denn 1959 ümnömt in “Niederdeutsche Heimatbühne Schleswig“. In Harwst 1961 hett Annemarie Dienesen tosamen mit `n Hand vull annere Theoterspeelers de “Schleswiger Speeldeel“ grünnt un hett över veele Johrn dat künstlerische Leit vun de Speeldeel hatt un hett in meist 5o Theoterstücken Regie föhrt un mehrstens ok noch mitspeelt. Ok de Kulissen hett “uns Annemarie“ meist sülben buut. In ehr Handtasch weer jümmers een Hamer un een Knieptang un veele Nagels. In ehr`n Fischladen in Lollfoot hett se veele aktive Mitglieder to`n Mitspeelen anschnackt und dat hett mehrstens lang holen. Se hett ok enkelte Speelers dat “Regie – Maaken“ bibröcht, hett sik för Begegnungen mit annere Bühnen, ok in`t Utland insett. Vun veele Fohrten warrt hüüt jümmers noch schnackt. Se harr Talent to`n Theoterspeelen un hett veele mennigfache Rullen wunnerbar utfüllt.

Unvergeeten sünd ehr Rulln in:

" Füer “ ( 1967 )
Vogeljette ( 1968 + 1980 )
" De hillige Grootmudder “ ( 1971 )
Küselwind ( 1974 )
“ Brandstiftung “ ( 1975 )

Ehr letzte Rull hett se 1983 in “ Kramer Krey “, speelt.

Annemarie Dienesen hett all in fröhe Johrn irnsthafte Theoterstücke in dat Programm vun de Speeldeel opnahmen.

Se is ok in de letzten Johrn jümmers noch girn in “Uns lütt Theoter“ weesen un faaken hett se de Texte vun enkelte Rullen noch mitschnacken kunnt (wat een ok hört hett).

Se weer ehr Leewen lang dör un dör een Theoterspeelerin.

De Schleswiger Speeldeel truuert üm Annemarie Dienesen
un warrt ehr Andenken bewahren un sik op ehr besinnen.

Veelen Dank, Annemarie !

zurück

________________

Schleswiger Speeldeel e.V.

Annemarie Dienesen