Schleswiger Speeldeel e.V.

In de Speeldeel siet 1979.

To sehn weer se in:

• Vogeljette (1980)
• De hillige Grootmudder (1981)
• De Aukschoon (1982)
• Kramer Kray (1983)
• Mien Söhn, de Dokter (1983)
• ...un baven wahnen Engel (1984)
• Jonny Belinda (1984)
• Hans Brüggemann (1986)
• Thea Witt makt nich mit (1987)
• Verdreihte Verwandtschop (1989)
• De tweismeeten Kruk (1991)
• Arsenik un Ole Spitzen (1993)
• Fisch för veer (1995)

Regie hett se maakt bi:

• Dreehunnertachtig Mark, warm (1985)
• Glöhnig Füer (1991)
• Bliev doch to´n Fröhstück (1993)
• Oberösterreich (Man kümmt to nix)(1993)
• Twüschen Himmel un Eer (1995)
• Mannslüüd sünd ok blots Minschen (1996)
• De karngesunde Kranke (1997)
• Lütte witte Siedenschoh (1999)
• Hartklabastern (2000)

Folgende Stücke hett se för dat Theoter torechtmaakt:

• Mien Söhn, de Dokter
  (Die Promotionsfeier von Heinz Meising) (1983)
• Dreehunnertachtig Mark, warm
  (Nach dem Fernsehspiel “Villa zu vermieten” von Heinz Meising) (1985)
• Glöhnig Füer
  (Nach der Novelle “Lodernde Flammen” von John Steinbeck) (1991)

Bi de lesde Versammeln 2006 hebbt de Lidmaaten besloten, Olly Gröning de Ehren-Lidmaatschop antodrägen. Olly hett nich blots wunnerbor speelt, se hett ok bannig erfolgrieke Stücken inszeneert un bavento Stücke för de Speeldeel schreven oder in Nedderdüütsch sett. Wi kunnen uns jümmers dorop verlaten, vun ehr gode Raadslääg to hören, wenn wi ehr dorüm beden hebbt.

Bi de Premiere vun “Fru Pieper...” hett de Vörsitter, Uwe Petersen, Olly de Ehrenurkunne övergeeven.

Afscheed

An 12. Juli 2012 is

Olly Gröning

Ehrenlidmaat  vun de Schleswiger Speeldeel ,

in ehr 87. Levensjohr inslaapen.

Veele Minschen hebben ehr kennt und köönt sik wiss ok noch op ehr besinnen. Se weer för veele een heel besünnere plattdüütsche Theoterspeelerin, de öwer veele Johrn in ehr Heimatstadt Schleswig dat Theoterleewen op ehr eegen Ort prägt hett. Se harr ehr eegen Opfaaten vun Theoter un besünners ok vun Humor. Ehr Humor weer een heel liesen , meist jümmers een beten to`n Smustern. Över dörtig Johrn weer Olly Lidmaat vun den Vereen un hett in de Tied in veele Stücken mitspeelt, hett Regie föhrt un hett ok Theoterstücken för dat Speelen op Platt torechtmaakt un översett..

Unvergeeten sünd ehr Rulln in :

• Vogeljette (1980 )
• Mien Söhn, de Dokter (1971)
• Jonny Belinda (1984)
• Hans Brüggemann (1975)
• Arsenik un ole Spitzen (1993)
• Fisch för veer (1995)

un ok ehr Inszenierungen vun:

• Bliev doch to`n Fröhstück (1993)
• De karngesunne Kranke (1997)
• Lütte, witte Siedenschoh (1999)

Se weer ehr Leewen lang een övertügte  un kunnige Plattdüütsche.

De Schleswiger Speeldeel truuert üm Olly Gröning

un warrt ehr Andenken bewahren un sik op ehr besinnen.

Veelen Dank, Olly !